“AZFEN Birgə Müəssisəsi (BM) ilə MECC MMC arasında bağlanmış müqavilə birtərəfli şəkildə pozulub”.

Yenixeber.org: Bu haqda MECC MMC şirkətinin hüquqşünası Cahangir Mahmudov məlumat yayıb.

Onun sözlərinə görə, 22.02.2021-ci il tarixli müqaviləyə əsasən sub-subpodratçı MECC MMC Heydər Əliyev adına Neft Emalı Zavodunun (NEZ) modernizasiya və rekonstruksiya layihələri çərçivəsində boru-izolyasiya işlərinin yerinə yetirilməsini, subpodratçı AZFEN MMC isə yerinə yetirilmiş müvafiq işlər üzrə ödəniş etməyi öz öhdəsinə götürüb:

“İşlərin ümumi icra olunma müddəti 4 ay təyin edilməsinə baxmayaraq, AZFEN BM-nin iş frontlarını vaxtında verməməsi, lazımi materialları icraçıya vaxtında təmin etməməsi səbəbindən işin müddəti 17 ayadək uzanıb. Nəticədə MECC MMC külli miqdarda maliyyə itkisi ilə üzləşib və əlavə xərcləri yaranıb. Əlavə xərclərin məbləği 638 344,53 AZN təşkil edir. Buna görə AZFEN BM-yə yaranmış xərclərlə bağlı rəsmi məktub göndərilib və həmin şirkət işlərin gecikməsindən dolayı yaranmış maliyyə itkilərini təsdiq edib. 

Lakin AZFEN BM MECC MMC-nin təsdiq edilmiş əlavə xərclərini ödəməkdən indiyədək boyun qaçırır. Dəfələrlə şirkətin layihə rəhbəri Araz Tağızadə və baş direktoru Həmid Həsənovla ödənişlə bağlı müzakirələr aparılıb və onlar da öz növbəsində bu ödənişin olacağına söz verib. Ancaq 3 il keçməsinə baxmayaraq ödəniş edilməyib. Qarşı tərəf ödənişi hələ də həyata keçirməyib.

Bu səbəbdən ötən ilin 10 oktyabrında MECC MMC bu məsələ ilə bağlı Bakı Kommersiya Məhkəməsinə müraciət edib. Hazırda məsələ ilə bağlı məhkəmə prosesi davam edir”.