AZ
RU
ASAPES-də qanvermə aksiyası keçirilib -FOTOLAR
Dekabrın 14-də Azərbaycan Dövlət Bədən Tərbiyəsi və İdman Akademiyasında Azərbaycan Qan Donorluğunun İnkişafı Mərkəzi, Talassemiya Mərkəzi və Mərkəzi Qan Bankının birgə təşkilatçılığı ilə “Sağlam olaq, donor olaq” devizi altında professor-müəllim heyəti, tələbə və inzibati işçilərin qanvermə aksiyası keçirilib.
Yenixeber.org: Hər il təşkil edilən aksiyanın əsas məqsədi tələbələr arasında humanist ideyaları gücləndirmək, hemofiliya və talassemiyadan əziyyət çəkən uşaqlar üçün könüllü şəkildə qan vermək, eləcə də qan donorluğunu insanlar və gənclər arasında artırmaqdır.
Aksiya çərçivəsində donorlar həkim-hemotoloqlar tərəfindən yoxlanışdan keçirildikdən sonra qan veriblər. Yığılan qan ehtiyatı talassemiya və hemofiliya kimi qan xəstəliklərindən əziyyət çəkən insanlara yardım məqsədilə xüsusi tibb briqadasına təhvil verilib.
Unutmayaq ki, hər donor bir həyat xilas edə bilər!
