AZ
RU
Bakı şəhərinin Nəsimi rayonunda qanunsuz tikinti ilə bağlı narazılıqlar artır. Hüseyinbala Əliyev küçəsi 74 ünvanında sahibkar tərəfindən aparılan qanunsuz tikinti ilə bağlı ictimaiyyət haqlı suallar verir.
Yenixeber.org: Məlumata görə, artıq uzun müddətdir ki, həmin ünvanda tikinti aparılır. Lakin bu prosesin qarşısının alınmaması, əksinə, sanki himayə olunması iddiaları ictimaiyyətdə rezonans doğurub.
Nəsimi Rayon İcra Hakimiyyətinin bu məsələyə laqeyd yanaşması diqqət çəkir. Xüsusilə rayonun baş memarı Ələsgər Rüstəmovun bu tikinti barədə xəbərsiz olması inandırıcı görünmür. Artıq bir ilə yaxındır ki, rayonun icra başçısı təyin edilmədiyi üçün idarəçilikdə yaranan boşluq qanunsuzluqlara yol açıb.
İddialara görə, rayon rəhbərliyində söz sahibi olan şəxslərdən biri Ələsgər Rüstəmovdur. Bununla yanaşı, Zahid Xəlilovun da təsir imkanları barədə məlumatlar var. Bu şəraitdə qanunsuz tikintilərin daha da artdığı qeyd olunur.
Hazırda Nəsimi rayonunda qanunsuz tikintilərin tuğyan etdiyi bildirilir. İctimaiyyətin isə əsas sualı belədir: bu qanunsuzluqlara kim dur deyəcək və rayonda real nəzarət nə vaxt bərpa olunacaq?(Azerbaycanreallığı)
Yazıda adı çəkilən bütün şəxslərin mövqeyini işıqlandırmağa hazırıq.
