AZ
RU
“Birazdan 92 ilə dizelin də qiymətini qaldıracaqlar”
“Neft istehsal edən, iki neftayırma zavodu olan ölkədə niyə 95 markalı benzini özümüz istehsal etmirik, gedib qonşudan alırıq”.
Yenixeber.org: Bu sözləri deputat, əməkdar jurnalist Aqil Abbas bildirib.
O vurğulayıb ki, benzinin qiymətinin qalxması bütün bazar qiymətlərinin qalxması deməkdir:
“Birazdan yəqin ki, “Aİ-92” markalı benzinin və dizelin də qiymətini qaldıracaqlar”.
Deputatın sözlərinə görə, yanacaq artanda ərzaq da bahalaşır və bu da əhaliyə pis təsir göstərir:
“Yanacaq bahalaşanda hər şey bahalaşır, əlbəttə əhaliyə pis təsir edəcək. Dünyaya neft satan ölkədə benzin baha olarmı?!”
Qeyd edək ki, ötən gün “Aİ-95” markalı benzinin qiyməti 1.6 manatdan 2 manata qalxıb. Bu gün isə “Aİ-98” markalı benzinin qiyməti 40 qəpik bahalaşaraq 2.3 manat olub.
.jpg)
