Şoyqunun reytinqi yerlə sürünür – » Yenixeber.org

Şoyqunun reytinqi yerlə sürünür –Müharibədəki uğursuzluq naziri “bitirib”

Rusiyanın Müdafiə naziri Sergey Şoyqu ilk dəfə olaraq Rusiyanın ən qeyri-populyar siyasətçilərinin ilk üçlüyündə yer alıb. Ukraynaya hərbi müdaxilə başlayandan bəri nazir reytinqinin üçdə birini itirib.

Yenixeber.org: Belə bir nəticəyə VCİOM təşkilatı keçirdiyi rəy sorğularından sonra gəlib.

Oktyabr ayında Şoyquya etimad göstərməyənlərin sayı 4 faiz artıb ki, nazir bununla müxalifət lideri Aleksey Navalnını qabaqlayıb. Sorğulara görə, Şoyqunu "qabaqlayan" daha iki siyasətçi Rusiya Prezidenti Vladimir Putin və Kommunist Partiyasının rəhbəri Gennadi Zyuqanovdur.

Xatırladaq ki, 2020-ci ilin əvvəlində Müdafiə nazirinin anti-reytinqi cəmi 0,7% təşkil edib.

Rusiya mediası yazır ki, Şoyqunun cəmiyyətdə "hörmətdən düşməsi" bilavasitə Rusiya ordusunun cəbhədəki uğursuzluqları, eləcə də şəxsi heyət arasında ağır itkilərlə bağlı məlumatlarla bağlıdır. Bir az əvvəl məlum oldu ki, Ukraynanın Xerson vilayətində Dnepr çayının sağ sahilində olan Rusiya hərbçiləri cümə günü səhər saatlarında sol sahilə çəkiliblər. Beləliklə, Rusiya işğalın əvvəlindən ələ keçirdiyi yeganə regional mərkəzi - Xersonu tərk etdi, Ukrayna qoşunları şəhərə daxil oldu. Sentyabrın əvvəlində isə Rusiya ordusu Ukraynanın əks-hücumu qarşında tab gətirməyərək Xarkov vilayətini tərk etmək məcburiyyətində qalmışdı.

Ukraynanın işğalından əvvəl Şoyqu Rusiyanın ən məşhur nazirlərindən biri olub. 2022-ci ilin yanvarında rusların 18%-i onu ölkənin növbəti prezidenti kimi görmək istədiklərini bildiriblər.

Facebook-da paylaş

Tarix: 11-11-2022 17:45

Bənzər xəbərlər

ABŞ PUTİNİN ƏTRAFINDAN KİMLƏRİ HƏDƏF SEÇİB? –210 nəfərlik siyahıda yer alan məmurlar, oliqarxlar...

SƏRDAR CƏLALOĞLU MÜXALİFƏTİN UĞURSUZLUQ SƏBƏBLƏRİNİ AÇIR:"Niyə məğlub olduq və nədən başlamalı?"

MSK seçkilərin ilkin nəticələrini açıqladı- SİYAHI

Prezidentin bu gün keçirdiyi müşavirə-TAM MƏTN

“ŞOYQUNU TƏCİLİ OLARAQ BAKIYA GÖNDƏRİBLƏR Kİ...” -"Rusiya Azərbaycan tərəfini seytnota salmaq istəyir"

MSK seçkilərin ilkin nəticələrini açıqladı -SİYAHI