AZ
RU
ABŞ Hərbi Dəniz Qüvvələri İsrail, Səudiyyə Ərəbistanı və digər Yaxın Şərq ölkələri ilə birgə İran hərbi qüvvələrini nəzarətdə saxlamağa kömək edəcək pilotsuz təyyarələr şəbəkəsi yaradır.
Yenixeber.org: Bildirilib ki, gələn yaya qədər 100-ə yaxın kəşfiyyat PUA-sı Süveyş kanalından İran sahillərinə qədər əraziyə nəzarət edəcək.
Təşəbbüslə bağlı bütün təfərrüatlar məxfiləşdirilib.
Dronlar bütün məlumatları ABŞ-ın Bəhreyndəki komandanlıq mərkəzinə ötürəcəklər.
Qeyd edək ki, İran İslam İnqilabı Keşikçiləri Korpusu (SEPAH) Fars körfəzində ABŞ Hərbi Dəniz Qüvvələrinin 5-ci Donanmasının “Saildrone Explorer” adlı pilotsuz gəmisini qaçırmağa cəhd edib.
Digər tərəfdən, avqustun sonunda ABŞ Suriyadakı iranyönlü qrupların hədəflərinə hava zərbələri endirib. Prezident Co Bayden bu addımın ABŞ-ın milli təhlükəsizliyi və xarici siyasətinin maraqlarına uyğun olduğunu deyib.(“The Wall Street Journal” (WSJ))
