Milli Məclisin Tərtədən seçilən deputatı Sahib Alıyev cəbhədə baş verən hadisələrə münasibət bildirib.

Xeberinfo.com:    Məlumata görə, deputat `Facebook` sosial şəbəkəsindəki hesabında yazıb: 

`Düşmən hər yerdə düşməndir. Hər yerdə düşmənə yanaşma eynidir. O ya təslim olmalı, ya məhv edilməlidir. Ancaq düşmən də var, düşmən də. Bəzən elə düşmən olur ki, onun hərəkəti qarşı tərəfdə hətta rəğbət doğurur. Biz isə elə bir düşmənlə üz-üzəyik ki, rəzilliyi və məkrliliyi ilə ancaq nifrətə və yer üzündən silinməyə haqq edir!”.

S.Alıyev bildirib ki, ermənilər təşviş içindədir: “Bunun üçün onların sosial şəbəkələrədə nələr paylaşdıqlarını izləmək bəs edir ki, vəziyyətin nə yerdə olduğunu tam da olmasa müyyən dərəcədə biləsən. Orada rəsmi qurumlar və şəxslər Azərbaycanın yaydığı xəbərləri verməməyə, cəhbədəki itlikərilə bağlı yazılara qorxulu başlıqlar qoymamağa çağırırlar. Nə qədər texnika və canlı qüvvə itirdiklərini gizlədir, ancaq uşaq ölümündən yazırlar. İtkiləri isə böyükdür”.

“Mövqelərini qoyub qaçıblar. Ən azından havadarlarının təcili hərəkətə keçmələri göstərir ki, işğal alətinin, işalçı yox, bəli, məhz işğal alətinin burunu bu dəfə yaman əzilib. Şokdadırlar”-deyə S.Alıyev vurğulayıb. 

Qeyd edək ki, aprelin 2-nə keçən gecə Ermənistan ağır silahlardan istifadə etməklə qoşunların təmas xətti boyunca Azərbaycan Silahlı Qüvvələrinin mövqelərini intensiv atəşə tutub, təxribat və həmlələr həyata keçirib.

Nəticədə Tərtərin Qarağacı kəndinin bir sakini ölüb, digəri isə xəstəxanaya aparılarkən yolda qəzaya düşərək dünyasını dəyişib.

AzVision.az