AZ
RU
Paşinyan: Ermənistan sərhəd boyunca öz sərhədçilərinin iştirakını artırmaq niyyətindədir
Ermənistan ölkənin beynəlxalq səviyyədə tanınmış sərhədləri boyunca öz sərhədçilərinin iştirakını artırmağı planlaşdırır.
Yenixeber.org xəbər verir ki, bunu Ermənistanın baş naziri Nikol Paşinyan Sərhədçilər Gününə həsr olunmuş tədbirdə bildirib.
"Bizim siyasətimiz Ermənistanın beynəlxalq səviyyədə tanınmış sərhədləri boyunca sərhədçilərin mövcudluğunu daha da artırmaqdır. Bu, davamlı və institusional sülhə, sabitliyə doğru gedən yolda vacib aralıq addımdır", - N.Paşinyan bildirib.
Qeyd edək ki, Ermənistan dörd dövlətlə quru sərhədlərinə (Azərbaycan, Türkiyə, İran, Gürcüstan) malikdir. Erməni sərhədçiləri Ermənistan-Gürcüstan və şərti Ermənistan-Azərbaycan sərhədini qoruyurlar. Ermənistan-Türkiyə və Ermənistan-İran sərhədini isə Rusiyanın Federal Təhlükəsizlik Xidmətinin Ermənistanda yerləşən xüsusi idarəsinin dörd sərhəd dəstəsi qoruyur.
.jpeg)
