1 il əvvəl Zaqatalada itkin düşən hindistanlı turistin tapana 10 milyon rubl (təxminən 192 min manat) bəxşiş veriləcək.

Yenixeber.org xəbər verir ki, bu barədə turistin qardaşı məlumat verib:

“Qardaşım cənab Manikant Kondaviti 2022-ci il mayın 13-də Azərbaycanın Zaqatala rayonunda itkin düşüb. Onunla sonuncu dəfə 2022-ci il mayın 12-də Şamilovka yaylasındakı Xonzokorda olarkən əlaqə saxlamışdıq.

Hesab edirik ki, o, Dağıstanda, Azərbaycanla sərhədə yaxın kəndlərdə və ya Dağıstanın başqa bir yerində ola bilər. Onun itkin düşməsindən bir ildən çox vaxt keçib və biz hələ də onun evə gəlməsini gözləyirik. Lakin həmçinin tanımadığı yerdə olduğu üçün çətinlik çəkdiyini də düşünürük.

Onu tez tapıb bizə qaytaran şəxsə 10 000 000 rus rublu məbləğində pul mükafatı elan edirik.

Şərtlər:

1) Bu mükafat fondu onu tapan insanların sayına bərabər bölünəcək.

2) Nəzərə alın ki, biz heç kəsi ciddi xəsarət və ya ölümlə nəticələnən riskləri gözə almağa təşviq etmirik və buna görə məsuliyyət daşımırıq.

3) Bu mükafat ancaq sağ tapılıb bizə sağ-salamat qaytarılacağı təqdirdə veriləcək. O, sağ və sağlam olduğu müddətdə onun yerləşdiyi şəraitin əhəmiyyəti yoxdur./Lent.az