AZ
RU
Polis əməkdaşları axtarışda olan şəxsi saxladılar -Hacıqabulda
Hacıqabul Rayon Polis Şöbəsinin əməkdaşlarının keçirdikləri əməliyyat-axtarış tədbiri nəticəsində oğurluq etməkdə şübhəli bilinərək axtarışda olan Hüseyn Hüseynzadə saxlanılıb.
DİN-in Mətbuat Xidmətinin Şirvan regional qrupundan Yenixeber.org-a verilən məlumata görə, saxlanılan zaman həmin şəxsdən psixotrop maddə olan metamfetamin də aşkar edilərək götürülüb.
Bundan əlavə, H.Hüseynzadənin ətrafında aparılan əməliyyat tədbirləri nəticəsində onun Goranboy rayonu ərazisində bir nəfər şəxsdən danışmaq adı ilə mobil telefonunu alaraq qaçdığı və zərərçəkmişə 450 manat maddi ziyan vurduğu da müəyyən edilib.
Faktla bağlı Hacıqabul Rayon Polis Şöbəsində araşdırmalar davam etdirilir.
.jpg)
