AZ
RU
Samur-Abşeron və Samur-Dəvəçi kanallarından şikayət var: "Ölümlə üz-üzəyik"-FOTOLAR
Samur-Abşeron və Samur-Dəvəçi suvarma kanallarının keçdiyi Quba rayonunun Gədikqışlaq kəndinin sakinləri bu kanalların həm özləri, həm də heyvanları üçün ölüm təhlükəsi yaratmasından şikayətçidir.
Yenixeber.org: Bununla bağlı redaksiyamıza məlumat verən vətəndaşlar bildirib ki, kanalların mühafizə zolağında təhlükəsizlik tədbirləri normal təşkil olunmayıb.
Odur ki, hər il həm bu kəndin, həm də kanallarla əhatə olunmuş digər kəndlərin sakinlərindən suya düşərək boğulanlar olur.
Əməkdaşımız məsələ ilə bağlı araşdırma aparmaq üçün kanalların keçdiyi kəndlərdə olub, daha sonra isə Samur-Abşeron Kanalının İstismarı İdarəsinin baş mühəndisi Tahir Quliyevlə əlaqə saxlayıb. O, sözügedən problemlə tanış olduqlarını, bununla bağlı hökumətə təkliflər veridiklərini və cavab gözlədiklərini bildirib.(report)
