Dövlət vəsaitini Samur-Abşeron kanalında “yumağ”ın  bədəli belə olur

Xeberinfo.com:  Dövlət vəsaitinin mənimsənilməsi, məmur özbaşınalığı ilə bağlı daha bir yazımız təsdiqləndi. Ötən ayın 14-də xeberinfo.com-da yer alan “Dövlət vəsaiti Samur-Abşeron kanalında belə "yuyulur": MƏNİMSƏMƏ” başlıqlı yazımız geniş araşdırmalarımızın nəticəsi idi. Xatırladım ki, yazıda Meliorasiya və Su Təsərrüfatı ASC-nın Samur-Abşeron Kanalı İstismar İdarəsində dövlət vəsaitinin “yuyulmasından” bəhs olunurdu. Bu idarənin vergidən yayınması və müxtəlif ad və formalarla büdcə vəsaitini mənimsəməsi ilə bağlı konkret faktlar sadalanırdı. Şübhəsiz ki, bütün bu əməllərin başında isə idarənin rəisi Möhübbət Musayev dururdu. ( Daha çox Şahin adı ilə tanınır)

Yazı sayta yerləşdirildikdən sonra ictimai marağa səbəb oldu, əksər elektron media qurumlarının da diqqətini çəkdi...

Biz mövzunun aktuallığını nəzərə alıb, yazı ilə bağlı lazımı dövlət orqanlarına sorğular ünvanladıq. Nəhayət ötən həftənin əvvəlində Samur-Abşeron Kanalı İstismar İdarəsinin rəisi Möhübbət Musayev vəzifəsindən alındı. Bu gün redaksiyamıza daxil olan məlumata görə isə Möhübbət Musayevin cəzası vəzifədən alınması ilə yekunlaşmayacaq. Məlumata görə yazdıqlarımızın aidiyyatı qurumlar tərəfindən araşdırılması davam edir...

Mövzu diqqətimizdədir.

Arif