Koreya Xalq Demokratik Respublikası (Şimali Koreya) Rusiya ilə silah satışı məsələsində əməkdaşlıqda maraqlıdır.

“Yenixeber.org” obozrevatel.com-a istinadən məlumat verir ki,  hətta nisbətən “təvazökar” silah müqaviləsi Şimali Koreyanın pul sıxıntısını və durğun iqtisadiyyatını gücləndirməyə kömək edəcək.

ABŞ bu yaxınlarda Şimali Koreya diktatoru Kim Çen İnın Rusiya Federasiyasına müharibədə kömək etmək üçün silah və sursat, o cümlədən mərmi və raketlər göndərməsi ilə bağlı yeni iddialar irəli sürdü.

ABŞ prezidenti Co Baydenin administrasiyası bildirib ki, KXDR-dən alınan silahlar döyüş meydanındakı vəziyyəti o qədər də dəyişməyəcək, ancaq təcrid olunmuş ölkə üçün yeni gəlir axını açacaq. Eyni zamanda Şimali Koreyanın özü də ABŞ-ın Rusiyaya silah tədarük etməkdə ittihamlarını rədd edir.

Seuldakı Koreya Bankının məlumatına görə, Şimali Koreya iqtisadiyyatı 2021-ci ildə inkişaf edə bilmədi və keçən il qeyri-müəyyən perspektivlərlə üzləşdi. Buna görə də Kim Çen İn Rusiya Federasiyasında silah satışına qoşulmağa cəhd edə bilər.

"Kimin çoxlu silahları, xüsusən də Ukrayna cəbhələrində bir növ intibah dövrünü yaşayan XX əsr artilleriyasıdır. Beynəlxalq Strateji Araşdırmalar İnstitutunun hesablamalarına görə, Şimali Koreyanın 21,600 artilleriyadan çox olduğu təxmin edilməyən sursat ehtiyatı var.

Tərcümə etdi: Səadət Sultan