AZ
RU
Lukaşenko Ukraynaya qoşun göndərməyəcək:“1200 dəfə demişəm ki…”
Belarus prezidenti Aleksandr Lukaşenko bir daha bəyan edib ki, o, Ukraynaya qoşun göndərmək fikrində deyil.
Yenixeber.org: Dövlət başçısı bu haqda noyabrın 4-də Belarus Milli Biotexnologiya Korporasiyasının Minsk vilayətindəki müəssisəsinin açılış mərasimində danışıb.
“Bu gün Ukraynada qışqırırlar ki, “Lukaşenko öz hərbçilərini bura göndərmək istəyir!”. Mən artıq 1200 dəfə demişəm ki, mənim belə planlarım yoxdur”, - Lukaşenko vurğulayıb.
O, qeyd edib ki, Bularusdan olan müxalifətçilər gizli yollarla öz tərəfdarlarını Kiyev rejiminin tərəfində döyüşməyə getməklə ölümə göndərirlər.
“Bunlar da kiminsə övladlarıdır. Amma şikayət edən yoxdur. Mən səni ora prezident kimi göndərməmişəm. Ukraynada bizim işimiz yoxdur. Bizə ora döyüşmək üçün adam göndərmək lazım deyil. Mən niyə bunda ittiham olunuram? Çünki onlar özləri bu adamları ora göndərirlər”, - Belarus dövlətinin başçısı vurğulayıb.
.jpg)
