Yenixeber.org: Bu barədə Almaniyanın daxili işlər naziri Nensi Faezer məlumat verib.

Qeyd edək ki, alman polisi ötən həftə sui-qəsddə iştirakda şübhəli bilinən 25 nəfəri həbs edib. Prokurorların bildirdiyinə görə, şübhəlilərin çoxu müasir Almaniya dövlətinin mövcudluğunu inkar edən ifrat sağçı “Reyxsbürger” (Reich Citizens) hərəkatının üzvləri olub.

Faezer “Bild am Sonntag” qəzetinə verdiyi müsahibədə “Reyxsbürger”in son bir ildə gücünün 2000-dən 23.000-ə qədər yüksəldiyini  və təşkilatın Almaniya üçün artan təhlükə olduğunu söyləyib. "Bunlar zərərsiz dəlilər deyil, hazırda istintaq təcridxanasında olan şübhəli terrorçulardır",-deyə o qeyd edib.

İstintaqın təsbitinə görə, terrorçular arasında silahlı şəxslər də olub. Təşkilat indiki və keçmiş hərbi qulluqçuları sıralarına cəlb etməyə çalışır.

Basqınlardan əvvəl polis artıq “Reyxsbürger”in 1000-dən çox üzvünün silahlarını müsadirə etməyə nail olub. Bununla belə, ölkədə ən azı daha 500 radikal sağçının silah lisenziyası olduğu güman edilir.