AZ
RU
"Rusiya əzəli qonşumuzdur"
Əlaqələrimizin müvəqqəti pozulmasını heç birimiz istəmirik.
Xeberinfo.com: Məlumata görə , bu sözləri Türkiyənin Baş naziri Binəli Yıldırım Rusiya ilə münasibətlərin yumşalmasını şərh edərkən deyib.
Baş nazirin sözlərinə görə, yaxın gələcəkdə Türkiyə digər qonşuları ilə də əməkdaşlığı artırmağa çalışacaq:
“Əslində bu, gözlənilən idi. Hər iki dövlətin nə qədər səmimi olduğunu, nə qədər xalqların milli maraqlarına bağlı olduğunu bir daha gördük. Rusiya bizim əzəli qonşumuzdur. Bu səbəbdən əlaqələrimizin müvəqqəti pozulmasını heç birimiz istəmirik. O günlər artıq geridə qaldı.
Aralıq dənizi və Qara dəniz ətrafında olan bütün ölkələrlə dost, qardaş olmaq, onlarla ticarəti, əməkdaşlığı artırmaq, turizmi inkişaf etdirmək və qarşılıqlı investisiyaları artırmaq əsas hədəfimiz olacaq. Bunun üçün də dayanmadan çalışırıq. Ümid edirəm ki, başqa ölkələrlə də önümüzdəki günlərdə əlaqələrimiz fərqli məcrada inkişaf edəcək”.
