AZ
RU
Erməni nazir İran səfiri ilə görüşdü
Ermənistanın ərazi-idarəetmə və infrastruktur naziri Qnel Sanosyan İranın Ermənistandakı fövqəladə və səlahiyyətli səfiri Mehdi Sübhaninin başçılıq etdiyi nümayəndə heyətini qəbul edib.
Yenixeber.org: Bu barədə nazirliyin mətbuat xidməti məlumat yayıb.
"Nazir səfiri salamlayıb və ona Ermənistandakı xidmətində uğurlar arzulayıb. Tərəflər isti, mehriban Ermənistan-İran münasibətlərinin daha da dərinləşdirilməsinin zəruriliyini vurğulayıblar", - deyə qeyd olunub.
“Münasibətlərimizin yaxşı templə inkişaf etdiyini görmək çox xoşdur, lakin digər sahələrdə də əlaqələrin inkişafı və dərinləşməsi üçün böyük potensial var”, - Sanosyan deyib.
Nazir enerji sahəsində mövcud əməkdaşlığın əhəmiyyətini vurğulayıb. Görüşdə birgə həyata keçirilən layihələrin icrası müzakirə edilib. Layihələrin müəyyən olunmuş müddətdə başa çatdırılmasının vacibliyi diqqətə çatdırılıb.
.jpg)
