“Dağlıq Qarabağ kimi açıq yara Ermənistan və Azərbaycanı hələ də ayırır. Avropa İttifaqı üçün münaqişənin sülh yolu ilə həlli gündəlikdə mühüm yer tutur”.
Xeberinfo.com:  APA-nın xəbərinə görə, bu barədə Avropa İttifaqının xarici siyasət və təhlükəsizlik məsələləri üzrə ali nümayəndəsi Federika Mogerininin Azərbaycan və Ermənistana səfərinin yekunları ilə bağlı bloq yazısında deyilir. “Avropa və Asiya arasında körpü olan, mövcud çətinliklər və ziddiyyətlər kontekstində həssas demokratiyalarını möhkəmləndirməkdə olan Azərbaycan və Ermənistandan yenicə qayıtmışam. Hər iki ölkənin hökumətləri, vətəndaş cəmiyyəti nümayəndələri və qeyri-hökumət təşkilatları ilə görüşlər keçirdiyim intensiv səfər oldu”, – deyə o, söyləyib.
F. Mogerini qeyd edib ki, Bakıya səfəri Cənub Qaz Dəhlizi üzrə Məşvərət Şurasının II iclasında iştirakla başlayıb. Onun sözlərinə görə, bu layihə dövlətlər arasında əməkdaşlığın gücləndirilməsində vacib rol oynayır. Səfər çərçivəsində prezident İlham Əliyev və nazir Elmar Məmmədyarovla görüşdüyünü deyən F. Mogerini regiondakı, habelə İran, Türkiyə, Rusiyadakı vəziyyət və Avropa İttifaqı ilə ikitərəfli münasibətlərin müzakirə edildiyini də vurğulayıb.