AZ
RU
Yenixeber.org: Dekabrın 12-də səhər saatlarından başlayan aksiya ötən gecə boyu davam edib.
Hava şəraitinin soyuq olmasına baxmayaraq, aksiyaya qoşulanların sayı getdikcə artır. Dinc aksiyaya Azərbaycanın hər yerindən böyük dəstək var.
Ekofəallar, vətəndaş cəmiyyəti nümayəndələri, QHT təmsilçiləri, tələbələr, ümumilikdə bütün aksiya iştirakçıları günlərdir ki, yüksək əzm, qətiyyət nümayiş etdirirlər. Onlar tələbləri yerinə yetirilməyənə qədər buradan çəkilməyəcəklərini bildirirlər.
Dinc aksiya iştirakçıları mədənlərin qanunsuz istismarına, ekoloji terrora qarşı və vətənpərvərlik ruhunda şüarlar səsləndirirlər.
Qeyd edək ki, Şuşa ərazisində Rusiya sülhməramlılarının nəzarətində olan yolun bir hissəsində etiraz aksiyası azərbaycanlı aktivistlər və ekologiya üzrə qeyri-hökumət təşkilatlarının (QHT) üzvləri tərəfindən Qarabağ iqtisadi rayonunda ekoloji terrora son qoyulması tələbi ilə keçirilir.
Laçın yolunda etiraz aksiyası bir həftədir davam edir
Qarabağda faydalı qazıntı yataqlarının qanunsuz istismarı əleyhinə Xankəndi-Laçın yolunda keçirilən etiraz aksiyası bir həftədir davam edir.
