Rusiyanın Maria El Respublikasında azərbaycanlıların növbəti tədbiri keçirilib.

Yenixeber.org: Budəfəki tədbir müəyyən özəllikləri ilə fərqlənib. Belə ki, paytaxt Yoşkor-Olada Azərbaycan Cəmiyyətinin təşəbbüsü ilə Ulu Öndər Heydər Əliyevin adının əbədiləşdiyi bulaq və ətrafında iməcilik təşkil edilib. Təşkilatçılığı və rəhbərliyi ilə baş tutan iməcilikdə cəmiyyətin sədri Seyidullayev Əşrəf Malik oğlu tədbiri ulu öndərin keçdiyi tarixi və əbədi yola qısa nəzər salmaqla başlatdı. Ulu öndərin dövlətimiz və xalqımızın tarxində oynadığı rol yüksək qiymətləndirildi və hər bir vətənsevər azərbaycanlının qəlbində daim yaşamalı olduğunu, yaşayacağını bildirdi. Dünyanın hansı coğrafiyasında olmasından asılı olmayaraq hər bir azərbaycanlının bu həqiqəti bilməsinin və təbliğ etməsinin vacibliyini qeyd etdi...

Daha sonra könüllü olaraq tədbirə qatılanların iştirakı ilə "Heydə Əliyev" bulağı və ətrafında təmizlik və abadlıq işləri aparıldı. Bu kimi tədbirlərin mütəmadi olaraq təşkil ediləcəyi də bildirildi.