AZ
RU
Suriya ABŞ-yə yazılı cavab verib:Sanksiyaların yumşaldılması ilə bağlı
Suriya sanksiyaların yumşaldılmasına dair şərtlər siyahısı ilə bağlı ABŞ-yə yazılı cavab verib.
Yenixeber.org xəbər verir ki, bu barədə “Reuters” məlumat yayıb.
Agentliyin məlumatına görə, Suriya hökuməti şərtlərin əksəriyyətini yerinə yetirdiyini vurğulayır, lakin qalan şərtlərin yerinə yetirilməsi üçün Vaşinqtonla "qarşılıqlı anlaşma" tələb olunur.
ABŞ Dövlət Departamentinin nümayəndəsi təsdiqləyib ki, Vaşinqton Suriya hökumətindən ABŞ-nin "etimadın möhkəmləndirilməsi üçün konkret, ətraflı tədbirlər" görülməsi xahişinə cavab alıb.
"Biz hazırda cavabı qiymətləndiririk. Gələcəkdə münasibətlərin normallaşması müvəqqəti hakimiyyətin addımları ilə müəyyən ediləcək", - Dövlət Departamentindən bildirilib.
Xatırladaq ki, ABŞ daha əvvəl Suriyaya sanksiyaların qismən yüngülləşdirilməsi müqabilində yerinə yetirilməsini istədiyi şərtlərin siyahısını göndərib.
.jpeg)
