AZ
RU
Ukrayna Silahlı Qüvvələri Soledarda müdafiə xəttinə çəkilib -"Həyatları xilas etmək üçün"
Ukrayna silahlı qüvvələri düşmənə ağır itkilər verərək Donetsk vilayətinin Soledar qəsəbəsindən tamamilə geri çəkilib. İndi şəhər rusların nəzarətindədir.
“Yenixeber.org” ru.slovoidilo.ua-ya istinadən məlumat verir ki, bu barədə BBC News Ukraynaya Ukrayna Silahlı Qüvvələrinin şərq qrupunun nümayəndəsi Sergey Çerevatıy bildirib. “Şəxsi heyətin həyatını xilas etmək üçün Müdafiə Qüvvələri Soledardan geri çəkildi və əvvəlcədən hazırlanmış müdafiə xətlərində möhkəmləndi. Soledarın müdafiəçiləri düşmənin 3-5 dəfə üstünlüyünə baxmayaraq, öz mövqelərini möhkəm saxlayaraq, əsl şücaət göstərdilər. Düşmənə böyük itkilər verdilər. Bu hal iki çeçen müharibəsində təcavüzkarın itkiləri ilə müqayisə oluna bilər”, - deyə, Çerevatıy bildirib.
Xatırladaq ki, bir həftə əvvəl kəşfiyyat məlumat vermişdi ki, işğalçılar Soledar və Baxmut üzərində tam nəzarətə malik deyillər. Ukrayna sərhədçiləri Soledarda düşməni necə məhv etdiklərini
göstəriblər.
Tərcümə etdi: Səadət Sultan
