AZ
RU
Gürcüstanın keçmiş Prezidenti Mixail Saakaşvilinin vəkili onun səhhəti barədə danışıb.
Yenixeber.org: Eks-prezidentin vəkili Şalva Xaçapuridze onun vəziyyətini ölü ilə müqayisə edib.
O, bildirib ki, siyasətçinin səhhəti çox ağırlaşıb.
"Saakaşvili çox ağır vəziyyətdədir. Üzü göyərib, əlləri gücsüzdür. Üzünə baxanda sanki meyitdir. Elə bil ki, 2-3 gün qabaq ölmüş insanın simasıdır. Çox ağır durumdadır. Onun xəstəlikləri Gürcüstanda müalicə oluna bilməz", - deyə vəkil Xaçapuridze qeyd edib.
Vəkil, Saakaşvilinin cəzasının həkimlər qəti rəy verənə qədər təxirə salınmasının vacibliyini qeyd edib.
"Onun üçün xüsusi yer lazımdır ki, o, müalicə olunsun", - deyə vəkil vurğulayıb.
Vəkilin fikrincə, hazırda Mixail Saakaşvili may ayından köçürüldüyü özəl klinikada yatır, amma səhhətində irəliləyiş yoxdur.
