AZ
RU
Roma Papası Patriarx Kirillə planlaşdırılan görüşü ləğv edib
Roma Papası Fransisk və Rusiya Pravoslav Kilsəsinin rəhbəri Patriarx Kirill arasında iyun ayında Yerusəlimdə keçirilməsi planlaşdırılan görüş ləğv olunub.
Yenixeber.org: Bu barədə Roma Papası Argentinanın "La Nacion" qəzetinə müsahibəsində deyib.
Bundan təəssüfləndiyini söyləyən Roma Papası bildirib ki, Vatikan diplomatları belə bir görüşün hazırda yanlış anlaşılmaya səbəb ola biləcəyini qeyd edib.
Xatırladaq ki, əgər görüş baş tutsa idi, bu, onların ikinci görüşü olacaqdı. Onların ilk görüşü, 2016-cı ildə Kubada baş tutub. Həmin görüş 1054-cü ildə xristianlığı Şərq və Qərb qollarına ayıran Böyük parçalanmadan sonra Roma Papası ilə Rus Pravoslav Kilsəsinin lideri arasında ilk görüş olub.
Patriarx Kirill Rusiyanın Ukraynaya hərbi müdaxiləsinə tam dəstəyini ifadə edib.
