AZ
RU
Pentaqon Kramatorska rusların raket atdığını təsdiqləyib
Pentaqon Kramatorskdakı dəmiryol vağzalında izdihamın üzərinə atılan “Toçka U” raketinin ruslar tərəfindən atıldığını təsdiqləyib.
Yenixeber.org: Bu barədə aprelin 8-də jurnalistlər üçün keçirilən qapalı brifinqdə ABŞ Müdafiə Nazirliyinin yüksək rütbəli rəsmisi bildirib.
“Aydındır ki, biz rusların (bu raket hücumuna görə - red.) məsuliyyət daşımaması ilə bağlı etirazlarını qəbul etmədik. Əvvəlcə onlar zərbənin uğurlu alındığını iddia etdilər, lakin sonra nəticələri barədə məlumat verilən kimi bunu təkzib etdilər”, - Pentaqon rəsmisi bildirib.
Xatırladaq ki, ötən gün Ukraynanın Donetsk vilayətinin Kramatorsk şəhərindəki dəmir yolu stansiyasına raket zərbəsi endirilib. Ukrayna prezidenti Volodimir Zelenski vağzalın “Toçka-U” raketi vasitəsilə vurulduğunu bildirib. Hazırda raket hücumu nəticəsində azı 52 nəfərin öldüyü, 109 nəfərin yaralandığı bildirilir.
.jpg)
.jpg)
