İran lideri Həsən Ruhani ABŞ Prezidenti Donald Trampa “tarixi terrorçu” deyib.
Yenixeber.org: O, həmkarını Konqres binasına basqına təhrik etməkdə günahlandırıb.
“ABŞ-ın maksimalist siyasəti və iqtisadi terroru qəti məğlubiyyətə uğrayıb. Bu siyasəti hazırlayanlar yalnız məğlub olmayıb, həm də siyasi həyatları başa çatıb. 3 ayda İranı devirmək istəyənlərin özləri devrildi. Trampın prezidentlik dövrü alçaq formada başa çatdı”, - Ruhani deyib.
O, Donald Trampı siyasi anlayışı olmayan, Mayk Pompeonu axmaq, Con Boltonu isə radikal və savadsız adlandırıb.
