Redaktor seçimi
Mingəcevirin İcra başçısı kütləvi narazılıq yaradır:  Sahibkar “Seyid”in xatirinə -
Anar Nağıyev beş yüz minlik tədbirləri harada keçirib ki, BSU-da heç kimi xəbəri yoxdu -
Gəncə Dövlət Universiteti belə idarə olunur: gündüzlər rektorun yanında, axşamlar isə...-
MÜLKİYYƏTƏ ZORAKILIQ: “Versal Palace” MTK-nın qanunsuz əməlləri və hüquqi fəsadları
“Olympus” MTK kütləvi narazılıq yaradır:
Abşeronda Birlik sədri “bulanıq suda belə gizlənir”:
Müəllim şərəfinə VƏFAsızlıq nümunəsi: Həm sözdə, həm əməldə RÜSVAYÇILIQ –
BSU-nun rektoru Anar Nağıyevə "İTTİHAM YAĞIŞI":
Günün xəbəri

Bu ilin iyulu tarixin ən isti ayı statusunu ala bilər

 2023-cü ilin iyulu planetimizdə tarixin ən isti ayı statusunu ala bilər.

Yenixeber.org: Bu barədə Avropa İttifaqının (Aİ) Yerin Müşahidə Proqramının məlumatlarında bildirilir.

“İyulun ilk 15 günü dünyada temperatur baxımından indiyə qədər qeydə alınan ən isti günlər olub. İyul tarixdə rekord ən isti ay ola bilər”, - deyə məlumatda bildirilir.

“Copernicus” iqlim müşahidələrinin rəhbəri Karlo Buontempo iyulun ümumən ilin ən isti ayı hesab olunmasına baxmayaraq, hazırda temperaturun artmasına amillərin kombinasiyasının təsir etdiyini bildirib.

“Onların arasında “El Nino effekti” (Sakit okeanın ekvatorial hissəsində suyun səth qatının temperaturunun isinməsidir ki, bu da iqlimə nəzərəçarpacaq dərəcədə təsir göstərir), Atlantikada istilik  və qlobal isinmə var. Yazdan bəri okeanların həddindən artıq istiləşməsi müşahidə olunur. Bu fenomenin sürəti bütün dünya alimlərini çox təəccübləndirir”, - deyə o bildirib.

Qeyd olunur ki, bu il dünyanın bir çox ölkəsində yüksək temperatur qeydə alınıb. Məsələn, bütün İspaniyada iyulun 19-da isti 45,3 dərəcə Selsi olub.  İyulun 18-də Fransa və İtaliyada da temperatur rekordları qırılıb. Orada hava müvafiq olaraq +40,6 və +42,2 dərəcəyə qədər isinib. İyulun 16-da havanın ən yüksək temperaturu +52,2 dərəcə Çində müəyyən edilib. Yerli hakimiyyət əhalini evdə qalmağa çağırıb, xüsusi texnika ilə əsas magistral yollara su səpilib.


Facebook-da paylaş

Yeni xəbərlər

Reklam

Reklam