Redaktor seçimi
QHT-lərə Dövlət Dəstəyi Agentliyi dövlət büdcəsini belə talan edir! -
Əziz Quliyev İmişlidə azyaşlıları maşınla vurmasını ört-basdır etməyə çalışır -
Yaşam Klinikasında Məhəmməd Mehdi Aslaninin yaşatmaq vədləri:
Böyük Britaniyada hüquqşünas Eldar Mahmudova görə cərimələnib -
Saleh Məmmədovun asfalt zavodu Ermənistanın Metsamor AES-i kimi:Tüstüdə gizlənən milyonlar və kəsilən nəfəslər –
AzTU-nun kafedra müdiri müəllimləri “quş” adlandırır?! -
“AzerGold”da diqqətçəkən vəzifə bölgüsü:
Deputat Əlibala Məhərrəmzadənin sərvətlərinin YENİ SİYAHISI
Günün xəbəri

Ankarada Türkiyə-Azərbaycan-Türkmənistan arasında üçtərəfli görüş keçiriləcək

Ankarada Türkiyə-Azərbaycan-Türkmənistan arasında üçtərəfli görüş keçiriləcək.

Yenixeber.org: Bu barədə Türkiyə mətbuatı xəbər verir.

Məlumata görə, Türkiyə-Azərbaycan-Türkmənistan üçtərəfli görüşü iyunun 6-da baş tutacaq.

Görüşdə Türkiyənin xarici işlər naziri Mövlud Çavuşoğlu, Azərbaycanın xarici işlər naziri Ceyhun Bayramov və Türkmənistanın xarici işlər naziri Rəşid Mərədov iştirak edəcək.

Çavuşoğlunun sözlərinə görə, yaxın günlərdə bir neçə ölkənin xarici işlər naziri Türkiyəyə səfər edəcək. O, qeyd edib ki, yaxın iki həftə ərzində Rusiya da daxil olmaqla 9 ölkənin xarici işlər nazirləri Türkiyəyə rəsmi səfər edəcək.

Türkiyənin ilk qonağı İranın xarici işlər naziri Hüseyn Əmirabdullahian olacaq. Abdullahiyanın Türkiyəyə ilk rəsmi səfərinin iyunun 6-da baş tutacaq.

Türkiyə iyunun 7-də Şimali Makedoniyanın xarici işlər naziri Bujar Osmanini qəbul edəcək. İyunun 8-də Niderlandın xarici işlər naziri Vopke Hukstranın iştirakı ilə Türkiyə-Niderland konfransı keçiriləcək. Bu, 2022-ci ilin yanvarında vəzifəyə başlayan Hukstran həmkarı Abdullahiyan kimi Türkiyəyə ilk rəsmi səfəri olacaq.

Çavuşoğlunun verdiyi məlumata görə, Türkiyə 8 iyunda dünya üçün əhəmiyyətli görüşə səhnə olacaq. Rusiyanın xarici işlər naziri Sergey Lavrov Qara dənizdə taxıl tankerləri üçün yaradılacaq təhlükəsiz dəhliz məsələsini müzakirə etmək üçün onu müşayiət edən hərbi nümayəndə heyəti ilə Türkiyədə olacaq.

Lavrovun səfərindən sonra Almaniyanın xarici işlər naziri Annalena Berbok da ilk dəfə iyunun 9-da Türkiyəyə rəsmi səfər edəcək.


Facebook-da paylaş

Yeni xəbərlər

Reklam

Reklam