AZ
RU
Koronavirusla bağlı hesabat: Dünya 14 il əvvəlki vəziyyətinə qayıtdı
Bütün dünyada koronavirusla mübarizə çərçivəsində görülən tədbirlər qlobal karbon qazı emissiyasının səviyyəsinin azalmasına səbəb olub.
Yenixeber.org: Qlobal emissiya səviyyəsi aprel ayında gündəlik olaraq əvvəlki ilin eyni ayına görə 17 faiz azalaraq, 83 milyon ton səviyyəsinə enib.
“COVID-19 məhdudiyyətləri dövründə gündəlik karbon qazı emissiyasında müvəqqəti eniş” adlı beynəlxalq hesabata əsasən, ötən ay gündəlik emissiya səviyyəsi 14 il əvvəlki - 2006-cı ilin göstəricilərinə bərabər olub.
Buna səbəb qlobal emissiyanın üç faizini təşkil edən hava nəqliyyatındakı durğunluq və ümumilikdə, nəqliyyat sektorundakı tələbatın aşağı düşməsi, həmçinin sənaye və enerji müəssisələrinin daha az çalışmasıdır.
