Ukraynada davam edən korrupsiya qalmaqalı fonunda Volodimir Zelenskinin ikinci müddətə namizədliyini irəli sürüb-sürməməsi barədə müzakirələr gedir.

Yenixeber.org: Məlumata görə. "Politico" yazır ki, prezident ətrafında olan şəxslər Zelenskinin reytinqinin kəskin enməsi və korrupsiya böhranının dağıdıcı təsiri səbəbindən onun yenidən seçkiyə qatılmasının məqsədəuyğun olmadığını düşünürlər.

Məlumata görə, yaranmış vəziyyət Zelenskinin yenidən seçilmək şansını zəiflədir və potensial rəqiblərin mövqelərini gücləndirir.

Qeyd edək ki, 10 noyabrda Ukraynanın Milli Antikorrupsiya Bürosu (NABU) və Xüsusiləşdirilmiş Antikorrupsiya Prokurorluğu (SAP) “Enerqoatom” dövlət şirkətində genişmiqyaslı axtarışlar aparıb.

NABU rəsmiləri bildiriblər ki, istintaq “yüksək səviyyəli cinayətkar təşkilatın” fəaliyyətini ifşa edib, həmin qrup “Enerqoatom”da 10–15% həcmində “otkat” tələb etməklə çoxşaxəli korrupsiya sxemi qurub. İzah edilib ki, illik dövriyyəsi 200 milyard qrivnədən çox olan strateji şirkətə faktiki olaraq rəsmi rəhbərlik deyil, kənar şəxslər nəzarət edirmiş.

Zelenski də qalmaqala münasibət bildirərək, korrupsiya ilə mübarizədə real və nəticəli addımların Ukrayna üçün həyati əhəmiyyət daşıdığını qeyd edib.