“Zarafat olsun, deyə bunu həyata keçirdik".

Yenixeber.org: Türkiyədə yeni ildən etibarən market sellofanları pullu olaraq alıcılara verilməyə başlanılıb.

Bəzi alıcılar isə ətraf mühiti qorumaq üçün başladılan aksiyaya etiraz edib.

Son etiraz isə Niğdedə bir marketdən gəlib. Bir müştərinin eşşəklə alış-verişə gəldiyi iddia edilib. Onun məqsədi aldığı malları sellofanların əvəzinə eşşəyin xurcununda evə aparmaq olub.

Deyilənə görə, bu plan marketin şöbə müdiri tərəfindən edilib. Marketin rəsmləri etiraf edərək “Zarafat olsun deyə bunu həyata keçirdik. Bu haqda lazımı yerlərə ifadəmizi vermişik” deyiblər.

Plastik alış-veriş sellofanlarının alıcıya ən azı 25 qəpikdən satılmasını tələb edən ətraf mühitin qorunmasını nəzərdə tutan qanun rəsmi qəzetdə yayımlanmasından sonra 1 yanvar 2019-cu ildən etibarən marketlərdə 25 qəpikdən satılmağa başlanılıb.

Bu qərarın ətraf mühitin qorunması baxımından çox önəmli olduğu bildirilir. Bəzi alıcılar isə qərara etirazlarını bildiriblər.

Sosial mediada əl arabası ilə alış-verişə gedənlərin görüntüləri də paylaşılıb. Hətta bir alıcının “sellofandan məmnun qalmadığı” səbəbini göstərərək onları marketə təqdim etdiyi iddia edilib.