![](https://report.az/storage/news/6a17a5022acd67143c5c7f1569abf8a2/a9ebe58d-b28a-474d-8aca-8ef89a2388e3_292.jpg)
Yenixeber.org: Ermənistan parlamentinin üç müxalif fraksiyası – "Elk", "Daşnaksütyun" və "Çarukyan" bloku müxalifət lideri Nikol Paşinyanın baş nazir vəzifəsinə namizədliyini irəli sürəcək.
TASS xəbər verir ki, bu barədə Paşinyan "Respublika" meydanında keçirilən mitinqdə bildirib.
"Parlament fraksiyaları: - "Elk", "Daşnaksütyun" və "Çarukyan" bloku sabah mənim baş nazir vəzifəsinə namizədliyimi irəli sürəcəklər. Respublikaçılar partiyası artıq mənim namizədliyimə səs verməyə hazır olduğunu bildirib", – deyə Paşinyan qeyd edib.
"Sabah biz parlamentdə fraksiyalarla işləyəcəyik, siz isə dincələcəksiniz", - deyə o, tərəfdarlarına müraciət edib.
Paşinyan qeyd edib ki, cümə axşamı vətəndaş itaətsizliyi aksiyası olmayacaq.