AZ
RU
Naxçıvan rəhbərliyi ölülərin “sosial bərabərliyi”ni yaradır
Zaman-zaman qeyri-adi qərarlarıyla gündəmə gələn Naxçıvan Ali Məclisinin sədri Vasif Talıbov növbəti mübahisəli qərara imza atıb.
Xeberinfo.com: Naxçıvandan aldığımız məlumata görə, Muxtar Respublikada məzarların ətrafına çəkilən dəmir “reşotka”lar sökülür. Artıq bir neçə kənddə həyata keçirilən “qəbir islahatları”nın yaxın günlərdə bütün Muxtar Respublika ərazisində aparılacağı bildirilir.
Yerli əhalinin Vasif Talıbovun yeni qərarına münasibəti isə birmənalı deyil. Bəziləri qəbirstanlıqda varlı-kasıb ayrıseçkiliyi salan bu ənənənin qarşısının alınmasını müdafiə etsə də, bir çoxları dirilər qala-qala ölülər üzərində “sosial bərabərlik” yaradılmasıyla razlaşmırlar.
Mövqeyindən asılı olmayaraq Muxtar Respublika sakinləri öz yaxınlarının məzarı üzərindən sökülən dəmir barmaqlıqları seyr etməklə kifayətlənirlər. Sökülən “reşotkaları” mərhum doğmalarından xatirə kimi evlərinə aparanlara da rast gəlmək olur.(azadliq.info)
.jpg)
