AZ
RU
Qonşu ölkədə ard-arda iki zəlzələ oldu
İranda 4,2 və 4,7 bal gücündə zəlzələlər baş verib.
Yenixeber.org: Bu haqda İranın Milli Seysmoloji Mərkəzi məlumat yayıb.
Məlumata görə, episentri Fars əyalətinin Həşt şəhərində olan 4,2 bal gücündə zəlzələ yerli vaxtla saat 21:43-də qeydə alınıb.
Yerin 10 kilometr dərinliyində baş verən zəlzələnin Buşəhr vilayətində də hiss olunduğu bildirilib.
Episentri İlam əyalətinin Murmuri şəhəri olan 4,7 bal gücündə zəlzələ isə yerli vaxtla saat 22:43-də qeydə alınıb.
İranın rəsmi xəbər agentliyi İRNA-nın məlumatına görə, 18 kilometr dərinlikdə baş verən zəlzələ Loristan və Xuzistan əyalətlərində də hiss olunub.
Zəlzələlərdən sonra can və ya mal itkisinin olub-olmadığı barədə hələlik heç bir açıqlama verilməyib.
.jpg)
