Redaktor seçimi
Rusiyanın “boz kardinal”ı ölüm ayağında Putinə nə yazmışdı? -
Nazir müavininin göstərişilə tarix  müəllimi yol idarəsinin müdiri təyin ediləndə yollarımız belə olur -
İki müsəlmanı Çin barışdırır… Bəs, Rusiya nəyə sevinir? -
Tehrandan Ağ evə “birbaşa danışıqlar” ismarışı… -
Qarabağda antiterror əməliyyatı qaçılmazdır -
Ölümə göndərilənlər çarı salamlamır - 
Azərbaycan Avtomobil Yolları Dövlət Agentliyində kök salmış Qasımovlar klanı -
I Pyotrun erməni sevgisi:
Günün xəbəri

Laçın-Xankəndi yolundakı aksiya 56 gündür davam edir

Laçın yolundakı aksiyanın 56-cı günü

Azərbaycan ərazilərində faydalı qazıntı yataqlarının qanunsuz istismarının dayandırılmasını, “Qızılbulaq” və “Dəmirli” yataqlarında monitorinqin keçirilməsinə icazə verilməsini tələb edən azərbaycanlı könüllü gənclər və ekoloqlar tərəfindən Laçın-Xankəndi yolunun Şuşa ərazisindən keçən hissəsində təşkil olunan etiraz aksiyası 56 gündür davam edir.

Yenixeber.org: Havanın şaxtalı olmasına baxmayaraq, hazırda aksiya iştirakçılarının Laçın-Xankəndi yolunda fəallığı müşahidə olunur. İştirakçılar səhər saatlarında Azərbaycanın Dövlət Himnini səsləndiriblər.

Qeyd edək ki, aksiya iştirakçıları Qarabağda faydalı qazıntı yataqlarının qanunsuz istismarının dayandırılması ilə bağlı Azərbaycan, rus və ingilis dillərində mütəmadi olaraq plakatlar qaldırır, "Azərbaycan oyaqdır, sərvətinə dayaqdır!”, “Ekoloji cinayətə son!” və sair şüarlar səsləndirirlər.

Xatırladaq ki, ötən il dekabrın 3-də və 7-də Rusiya sülhməramlı kontingentinin komandanlığı ilə aparılmış müzakirələrin nəticəsi olaraq Azərbaycanın İqtisadiyyat, Ekologiya və Təbii Sərvətlər nazirlikləri, İqtisadiyyat Nazirliyi yanında Əmlak Məsələləri Dövlət Xidməti və “AzerGold” Qapalı Səhmdar Cəmiyyətinin mütəxəssislərindən ibarət heyət Rusiya sülhməramlı kontingentinin müvəqqəti yerləşdirildiyi Azərbaycan ərazilərində faydalı qazıntı yataqlarının qanunsuz istismarı, bundan irəli gələn ekoloji və digər fəsadlarla bağlı ilkin monitorinq aparmalı idi. Lakin sülhməramlıların hərəkətsizliyi ucbatından monitorinq baş tutmayıb. Buna etiraz olaraq, azərbaycanlı ekofəallar Şuşa ərazisindən keçən Laçın-Xankəndi yolunda dekabrın 12-dən dinc aksiyaya başlayıblar.


Facebook-da paylaş

Yeni xəbərlər

Reklam

Reklam