AZ
RU
Yeni sayt fəaliyyətə başlayacaq
Seymur Əhmədin baş redaktorluğu ilə 1 yanvar 2023-cü ildən Becan.az adlı yeni sayt fəaliyyətə başlayacaq.
Bu haqda Yenixeber.org-a baş redaktor özü məlumatı verib.
Şüarı "Millət! Dövlət! Elm!" olan ictimai-siyasi onlayn qəzet gündəm informasiyaları ilə yanaşı, əsasən bölgələri əhatə edəcək özəl yazılar, müəllif, araşdırma yazıları, müxtəlif sahələri təmsil edən önəmli şəxslərlə müsahibələr dərc edəcək. Klassiklərə müraciət ediləcək, atmaca tipli iradlar olacaq.
Baş redaktor bildirdi ki, istəyimiz bir sıra özəlliklərlə media cameəsinə yenilik qatmaqdır: "Siyasi baxımdan ortaq mövqedə dayanacaq bir sayt planlaşdırırıq. Jurnalistlərin Peşə Etikası Kodeksinə və mətbuat haqqında dövlət qanununa söykənərək, nöqsanların üstünə getməyi əsas prinsip kimi qəbul etsək də, təqdirəlayiq işlər də saytımızda paylaşılacaq. Calışacağıq ki, ortaya, tərəfsiz, qərəzsiz, ədalətli mövqe qoymaqla, heç olmasa bölgədə oxucuların rəğbətini qazana bilək".
