AZ
RU
Paşinyandan Ter-Petrosyana "tərs şillə"-"...iki dəfə çox yaxşı qaçış nümunəsi göstərdi."
Ermənistanın baş naziri Nikol Paşinyan ona ölkədən qaçmağı məsləhət görən eks-prezident Levon Ter-Petrosyana cavab verib.
Yenixeber.org: Yerli KİV-lər bildirir ki, o, bu gün Araqaçotn bölgəsinə səfəri zamanı çıxış edərkən ölkənin ilk prezidentinin qalmaqallı açıqlamasına da toxunub.
Baş nazir deyib ki, Ter-Petrosyan öz karyerasında iki dəfə çox yaxşı qaçış nümunəsi göstərib.
“Levon Ter-Petrosyan deyir ki, baş nazir Ermənistanı tərk edib, başqa bir ölkədə sığınacaq tapacaq. Anlamadım. Ter-Petrosyan siyasi karyerası boyunca iki dəfə çox yaxşı qaçış nümunəsi göstərdi. Mən ölkədən qaça biləcək bir insana bənzəyirəm? Əgər insanlar məni güllələyəcəklərinə qərar verməli olsalar, atəş önündə-divarın qarşısında dim-dik dayanacağam. Heç kim düşünməsin ki, insanların verdiyi hər hansı qərardan qaçacağam. Bunu etmək hüququnuz var. Qoy qaçaqlar qaçmağı düşünsünlər. Ancaq bütün bunlar o qədər də vacib deyil. Əsas odur ki, gələcək haqqında danışaq. Bundan sonra nə edəcəyik?".
