AZ
RU
Rusiya təyyarəsini vurma əmrini verənin kimliyi açıqlandı -İncirlik bazasından verilib
Su-24 qırıcısını vurmaq üçün nə prezident, nə də baş nazir əmr verib.
Xeberinfo.com: Bunu Rusiya Elmlər Akademiyasının Şərq İnstitutu araşdırmaçısı Ruslan Qurbanov deyib.
Onun sözlərinə görə, göstərişi İncirlik bazasında növbətçi olan bir polkovnik verib. Rusiya kəşfiyyatı həmin polkovnikin Gülənin adamı olduğunu aşkar edib: “Türkiyədə baş verən dövlət çevrilişinə cəhddən sonra xalqın NATO ilə bağlı düşüncələri ortaya çıxdı. Çevrilişə cəhdin planı İncirlikdə hazırlanıb. Türkiyə bu təhlükəni indi də hiss edir. Ancaq Ankaranın NATO-dan ayrılacağını demək doğru olmaz.
Gülənin cəmiyyətdə yaratdığı təşkilat iqtidarın mərkəzinə çatdı. Burada təşkilata ABŞ-dan güclü yardım gəlirdi. Təşkilat əslində Mərkəzi Kəşfiyyat İdarəsinin (MKİ) bir qoludur. On illərdir dövlətə sızdılar. Gülənin ABŞ-da yaşamasına da MKİ yardım etdi”.
.jpg)