AZ
RU
.png)
Baş Qərargahın 144 əməkdaşı saxlanıldı -Türkiyədə FETÖ əməliyyatı
İstanbul prokurorluğu Türkiyə Silahlı Qüvvələri Baş Qərargahının 144 əməkdaşının saxlanılmasına dair order verib, onlar islamçı müxalifətçi Fətullah Gülənin təşkilatına aidiyyətliyi olmaqda şübhəli bilinirlər.
Yenixeber.org: Əməliyyat Türkiyənin müxtəlif əyalətlərində aparılıb, artıq 20 şübhəli saxlanılıb. Məlumata görə, onlar FETÖ üzvlərinin istifadə etdikləri ByLock proqramından istifadə edirlər.
Xatırladaq ki, 2016-cı ilin İyul ayının 15-dən 16-na keçən gecə Türkiyədə bir qrup qiyamçı hərbi çevrilişə cəhd edib. Əsas qarşıdurma Ankara və İstanbulda baş verib.
Ölkə rəhbərliyi qiyamın yatırıldığını bildirib. Hadisə nəticəsində 240 türk vətəndaşı ölüb, 2 mindən çox adam müxtəlif dərəcəli xəsarətlər alıb. Türkiyə hakimiyyəti çevrilişə cəhddə Gülənin təşkilatını günahlandırıblar, onlar ABŞ-dan onun təhvil verilməsini tələb edirlər.
