4 pilotsuz təyyarə mülki obyektlərin üzərinə düşüb, ölən və yaralanan yoxdur

Yenixeber.org: Bu gün səhər Ukraynanın Poltava vilayətində Rusiyaya məxsus 3 PUA vurulub. Rayon mərkəzində güclü partlayışlar olub, ardınca yanğın başlayıb.

Poltava Vilayət Hərbi Administrasiyasının sədri Dmitri Lunin öz “Telegram” kanalında yazıb ki, Rusiyanın 4 pilotsuz təyyarəsi mülki obyektlərin üzərinə düşüb.

"Xilasedicilər hadisə yerində işləyir və yanğını söndürürlər. İlkin məlumata görə, zərərçəkən yoxdur", - Lunin bildirib.

Poltava meri Aleksandr Mamay şəhərə endirilən zərbələri təsdiqləyib.

"Bu gecə Poltava vilayəti dörd pilotsuz təyyarə ilə hücuma məruz qalıb. İlkin məlumata görə, itki yoxdur. Zərbələrin nəticələri müvafiq xidmətlər tərəfindən aradan qaldırılacaq. İnsanlarımızı diqqətli olmağa çağırıram", - mer “Telegram”-da yazıb.(UNİAN)