AZ
RU
Nəfsini özünə izlədəndə -SƏN...
Zamanda insanın üzünə durur,
İrəli getsədə yerində sayır.
Günahı seçib o, üzünə vurur,
Sankilər, kaşkilər söyləyir sair...
*****
Düşün bir anla ki, öz xətanı sən,
Açdığın cığırla gedə biləsən.
Başına çıxarma, bir gədanı sən,
Yeyilən haqqını deyə biləsən!...
*****
Dövranın mayası yoğrulan zaman,
Ununda, suyunda az duzun olsun.
Heç olan külündən doğulan zaman,
Özünə baxmağa az üzün olsun...
*****
Gizlənib qalma sən, izin bəllidir,
Soyunu, kökünü gizlədəndə sən;
Kirlənmiş həqiqət "düz" ün həllidir.
Nəfsini özünə izlədəndə SƏN...!
*****
Həqiqət daima paralel olar,
Birləşməz nöqtəsi elə özünsən.
İnsanda bir azca xarakter olar,
Özündə özünə, təkcə çözümsən...
Təranə Şəms. 11.03.2024
(29).jpg)
