AZ
RU
Soçi şəhərində Rusiya və Türkiyə prezidentləri Vladimir Putinlə Rəcəb Tayyib Ərdoğan arasındakı görüş 4,5 saat davam edib.
Yenixeber.org: “RİA Novosti” xəbər verir ki, görüş məhdud tərkibdə başladıqdan sonra işçi naharında geniş tərkibdə davam edib.
V.Putin keçirilən danışıqları məzmunlu və konstruktiv olaraq səciyyələndirib.
*** 15:46
Türkiyə prezidenti Rəcəb Tayyib Ərdoğanla Rusiya prezidenti Vladimir Putin arasında Soçidə görüş başlayıb.
Türkiyə KİV-ləri xəbər verir ki, dövlət başçıları Suriyadakı, xüsusi ilə İdlibdəki vəziyyəti müzakirə edəcəklər.
Görüşdə İdlibdəki müşahidə məntəqələrinin gücləndirilməsi, qanunsuz qruplaşmaların tərk-silah edilmələri və başqa bu kimi məsələlərin müzakirə ediləcəyi ehtimal olunur.
Rəcəb Tayyib Ərdoğan Azərbaycandan ölkəsinə dönərkən təyyarənin göyərtəsində jurnalistlərə bildirib ki, Türkiyənin İdlibdə 12, Rusiyanın 10, İranın isə az sayda müşahidə məntəqəsi var.
