Valeri Pekar: “ABŞ strategiyası zəiflərə təzyiq göstərmək və onu tez bir zamanda güclülərin şərtləri ilə bağlı razılığa gəlməyə məcbur etməkdir”

Yenixeber.org: “Rusiya Federasiyasının yaxın gələcək üçün strategiyası, birincisi, çox sayda insanı qurban verərək cəbhə xəttində tədricən irəliləməkdir. İkincisi, infrastruktura hücumlar vasitəsilə Ukrayna cəmiyyətini müqavilənin istənilən şərtlərinə razı olmağa məcbur etməkdir. Üçüncüsü, Avropanı Ukraynaya dəstəyini geri çəkməyə məcbur etməkdir. Əgər bu baş verməzsə, avroskeptik anti-Ukrayna populistlərinin hakimiyyətə gəlməsini gözləməkdir”.

Bu sözləri Ukraynalı ictimai xadim, publisist Valeriy Pekar yazdığı analitik məqaləsində qeyd edib. Publisist Ukraynanın strategiyasını da sadalayıb.

Onun sözlərinə görə, Kiyevin strategiyası birincisi, Moskvanın səfərbər edə biləcəyindən daha çox rus işğalçısını öldürməkdir: “İkincisi, Rusiyanın logistikasını, hərbi istehsalını və qiymətli bərpa olunmayan resurslarını - təyyarələr, hava hücumundan müdafiə sistemləri və s. - pozmaq üçün uzun və orta mənzilli zərbələrdən istifadə etməkdir. Üçüncüsü, neft emalı və neft ixracını pozmaq üçün uzun mənzilli zərbələrdən istifadə etmək və bununla da Rusiya iqtisadiyyatını kəsirə salmaqdır. Dördüncüsü, Avropanı daha aktiv tədbirlər görməyə inandırmaq. Beşincisi, Trampı daimi diplomatik manevrlər vasitəsilə Ukraynaya təzyiq alətlərindən uzaq tutmaqdır”.

“Bu arada ABŞ strategiyası zəiflərə - onların fikrincə, bu, Ukraynadır - təzyiq göstərmək və onu tez bir zamanda güclülərin şərtləri ilə bağlı razılığa gəlməyə məcbur etmək, beləliklə, sülhməramlılığın uğurlarını, digər məsələlərə diqqət yetirmək imkanı və Rusiya Federasiyasının dağılıb Çinin əlinə keçməyəcəyinə zəmanət verməkdir. Bu vəziyyətdə Avropanın strategiyası silahlı qüvvələrini yenidən silahlandırmaq və yerləşdirmək, daxili siyasəti və Avropanı möhkəmləndirmək və Trampın prezidentliyindən daha uzun müddət qalmaq üçün vaxt qazanmaqdır”, - deyə Pekar qeyd edib.

Onun sözlərinə görə, Çinin strategiyası bütün tərəflərin zəifləməsini, ABŞ-ın Avropa ilə əlaqələrini kəsməsini, Rusiyanın nəhayət zəifləməsini gözləmək və güc tətbiq etmədən lazımi resursları, bazarları və inkişaf platformalarını əldə etməkdir: “Başqalarının strategiyası isə bulanıq sularda balıq tutmaqdır. Hesab edirəm ki, 2026-cı ildə bu koordinat sistemində yaşayacağıq”.(AYNA)

Turan Abdulla