AZ
RU
“Üçtərəfli formatda danışacağımız kifayət qədər mövzu var”
Rusiya, Azərbaycan və İran Xəzər dənizində yeni layihələri, o cümlədən energetika və nəqliyyat sahəsində olan layihələri müzakirə edəcək.
Xeberinfo.com: RİA “Novosti”yə istinadən xəbərə görə, bunu Rusiya prezidenti Vladimir Putin Bakıda Azərbaycan Prezidenti İlham Əliyevlə keçirdiyi görüşdə bildirib.
“Üçtərəfli formatda görüş keçirilməsi təşəbbüsünə görə sizə təşəkkür edirəm. Bu formatda həqiqətən danışacağımız kifayət qədər mövzu var. Xəzər dənizində və daha geniş aspektdə yeni layihələr də ola bilər. Bu mənada həm nəqliyyat, həm energetika, həm də üçtərəfli ticarət və iqtisadi əlaqələrimizin diversifikasiyasını nəzərdə tuturam”, – deyə V.Putin vurğulayıb.
