J-36 təyyarəsi gövdədə gizlədilmiş və lazer şüası ilə düşmən raketlərini vurmağa qadir olan toplarla təchiz olunub

Çin lazer silahı olan döyüş təyyarəsini təqdim edib. Bu barədə “IntelliNews” “Telegram” kanalı məlumat yayıb.

Reklam videosunda göstərilir ki, J-36 təyyarəsi gövdədə gizlədilmiş və lazer şüası ilə düşmən raketlərini vurmağa qadir olan toplarla təchiz olunub. Çinin bu gün bu texnologiyaya sahib olub-olmadığı və ya perspektivli bir inkişaf olub-olmadığı bildirilmir.

“Chengdu Aircraft Corporation” tərəfindən hazırlanmış J-36, quyruqsuz delta qanadlı aerodinamik dizayna malik altıncı nəsil səsdən sürətli çoxfunksiyalı və ya hücum təyyarəsidir. Bundan əvvəl onunla Rusiyanın Su-34 qırıcı-bombardmançı təyyarəsi arasında oxşarlıqların aşkar edildiyi bildirilirdi.