AZ
RU
Fahrettin Altun:"İki qardaş dövlət erməni lobbisinin yaydığı qara piarla uğurlu mübarizə aparıb"
"İkinci Qarabağ müharibəsi dövründə informasiya savaşında azərbaycanlı qardaşlarımızla birgə hərəkət etdik. Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri, əziz qardaşım Hikmət Hacıyevlə daim əlaqədə idik".
Yenixeber.org: Bunu Türkiyə Prezidenti Administrasiyasının Kommunikasiya İdarəsinin rəhbəri Fahrettin Altun deyib.
O bildirib ki, Azərbaycan və Türkiyə erməni lobbisinin yaydığı qara piarla uğurlu mübarizə aparıb: "Azərbaycanın haqlı mübarizəsindəki tezislərinin beynəlxalq ictimaiyyətə çatmasını təmin etdik. Türkiyə-Azərbaycan ortaq media platforması bu müddət ərzində daha çox gündəmə gəldi. Prezident Rəcəb Tayyib Ərdoğan və Prezident İlham Əliyev bu müddətdə bizə liderlik etdilər".
