AZ
RU
COVID-19-un gələcəkdə doğulanlara təsiri ola bilərmi?
Yenixeber.org: Bunu Talassemiya Mərkəzinin genetika mütəxəssisi Ağa Rza Ağayev deyib.
Onun sözlərinə görə, insan həyatın başlanğıcından bu günə kimi bir çox virusların təsirinə məruz qalıb: "İnsan genomunu incələdiyimiz zaman onun təxminən 8 faizinin virus qalıqlarından ibarət olduğunu görürük. Bunlara, adətən, endogen retroviruslar deyilir. Həmin viruslar genoma daxil olaraq bir parça halında qalır. Təbii ki, onlar aktiv deyillər, amma genomda qalıqdırlar. Onların təsirinin necə olacağı isə müxtəlif səbəblərdən asılıdır. Yerləşmə şəklindən, genoma giriş, hərəkət şəklindən asılı olaraq, virusun törətmə ehtimalı var. Onlar uzun müddətdir öyrənilir. COVID-19-a gəldikdə isə onun gələcəkdə doğulanlara təsirinin necə olacağını, bu virusa yoluxmuş insanlarda nə kimi dəyişikliklər olub-olmayacağını bilmək çox çətindir. Uzun onilliklər ərzində hələ bu mövzu araşdırılacaq".
.jpg)
