AZ
RU
“Konstra” MTK-nin sahibi Bəsrət Abbaslı hakim önünə çıxarılır-SƏBƏB
Bakı Ağır Cinayətlər Məhkəməsində külli miqdarda dələduzluqda, vəzifə səlahiyyətlərindən sui-istifadə etməkdə ittiham olunan “Konstra” MTK-nin təsisçisi Bəsrət Abbaslı, şirkətin direktoru Dilafir Rəsulov və əməkdaşı Tahir Əliyevin cinayət işi üzrə məhkəmənin hazırlıq iclası keçirilib.
Yenixeber.org: Məlumata görə, prosesdə təqsirləndirilən şəxslərin anket məlumatları dəqiqləşdirilib. Məhkəmə baxışı fevralın 4-nə təyin edilib.
Təqsirləndirilən şəxslər vəzifə səlahiyyətlərindən sui-istifadə etməklə rəsmi sənədlərə bilə-bilə yalan məlumatlar daxil ediblər, tikinti şirkətinin inşa etdiyi mənzilləri ayrı-ayrı şəxslərə qanunsuz olaraq satıblar. Əldə olunmuş pul vəsaitini mənimsəyiblər. Cinayət işi üzrə 100-dən çox zərərçəkmiş var.
Qeyd edək ki, B. Abbaslı Hesablama Palatasının Dövlət investisiyalarının auditi şöbəsinin sabiq müdiri Bəhram Abbaslının oğludur.
.jpg)
