AZ
RU
.png)
.png)
Bu ilin may ayının 1-nə olan məlumata görə Azərbaycanda 297,8 min nəfər işsiz şəxs olub.
Yenixeber.org: Saytımızın Dövlət Statistika Komitəsinin açıqladığı rəsmi məlumatlara istinadən apardığı hesablama göstərir ki, aprel ayı ərzində işszilərin sayı 42,7 min nəfər artıb. Belə ki, Statistika Komitəsinin aprel ayının 1-nə olan məlumatında qeyd olunur ki, Azərbaycanda 255,1 min işsiz şəxs olub.
Məlumat üçün bildirək ki, aprel ayı ərzində ölkədə tətbiq olunan xüsusi karantin rejimində ölkə Prezidentinin tapşırığı əsasında Əmək və Əhalinin Sosial Müdafiəsi Nazirliyi tərəfindən 600 min işsiz şəxsə 190 manat məbləğində birdəfəlik ödəmə edilib.
Nazirliyin açıqladığı məlumatlarda 190 manat birdəfəlik ödəmə alan şəxslər işsiz və xüsusi karantin rejiminə görə işini itirən şəxslər olaraq təqdim olunur. Eyni zamanda Əmək və Əhalinin Sosial Müdafiəsi Nazirliyi 190 manat birdəfəlik ödəmə almaq üçün müraciət edən şəxslərə “Məşğulluq haqqında Qanun”un 5-ci maddəsində (İşaxtaran və işsiz şəxslərin qeydiyyatına dair ümumi müddəalar) qeyd olunan şərtləri tələb kimi göstərib.
Yuxarıdakı məlumatlardan da açıq şəkildə görünür ki, Dövlət Statistika Komitəsinin açqıladığı işsiz şəxslərin sayı ilə Əmək və Əhalinin Sosial Müdafiəsi Nazirliyi tərəfindən işsiz şəxs kimi ödəniş edilən şəxslərin sayı arasında 2 dəfə fərq var.
A. Cəfərov
.jpg)
