Yenixeber.org: Bu gün kifayət qədər sənət növləri mövcuddur. Ən çox da qələm əhli və incəsənət nümayəndələri populyardır. Onların adı öndə çəkilir. Belələri yetərincədir. Onlar arasında da öz sənətini bilməyənlərə rast gəlirik. Xüsusilə kino sahəsində. Bildiyimiz kimi ölkə başçısı milli seriallarımızla bağlı sərəncam imzaladı. Məhz həmin sərəncam bəzilərinin əl qolunu açdı. Adları bəlli olmayan kəslər pul xatirinə nələri ekranlaşdırmağa başladılar. Belə baxanda rejisor deyil,ssenaristlər günahkardır. Təəssüf kiŞyazmağa mövzu tapmayanlar keçmiş filmlərimizdən yapışdılar. Xüsusilə:Ögey ana: və:Təhminə: filmlərindən. Əvvəla onlara xatırlatma etmək yerinə düşər ki, Yaxşı filmlər yalnız bir dəfə yaranır. Onların ikinci variantı yoxdur. Nədənsə belələri özlərindən Amerika çıxarıblar. İlk olaraq *Ögey ana* üzərində dayanaq. Filmin tam əksi çəkilib. Film xoşbəxt sonluqla bitdiyi halda Serialın baç qəhrəmanı Arif öldürülür. Məhz həmin öldürülmədən sonra serial dayandırılmalı idi. Amma...Bu isə ssenaristlərin qeyri peşəkarlığının təcəssümü hesab olunur. Daha bir serial isə*Təhminə və zaur8serialıdır. Filmdən fərqli olaraq serial bayağı çəkilib. İki seriyada alnımdan necə xəcalət təri axıtdığımı təsəvvür edin. Nədənsə bədii şuralar belələrinə dur demir. Belə gedərsə sabah beynəlxalq aləmə çıxarmağa serial tapılmayacaq. Əlaqədar qurumlar susur.

Bu gün ən çox oxunan yazarlardan yalnız İlqar Fəhmi və Vüsal Nuru Ssenari müəllifliyinə cəlb edilir. Digərləri kölgədə qalıb. Məsələn Götürək Elxan Elatlını. Onun əsərləri əl əl gəzir. Hətta mağazalarda tapılmır. Amma bu cür yazarı nədənsə Serial sahəsinə cəlb etmirlər. Onun :Qan ləkəsi: və:Cəhənnəmdən gələn səs: romanları əsasında əla seriallar çəkmək olardı. Amma kimlərinsə bu marağında deyil. Eləcə də digərləri. Məsələn o zaman Mərhum Lütfi Məmmədbəyov Mərhum Əlibala Hacızadıni əməkdaşlığa cəlb etdi. Nəticədə "İtgin gəlin"Kimi serial yarandı. Bu gün də baxılır. Təəssüf ki ,bu nümunə unuduldu. Bayağılıq efirə yoltapdı. İnanıram ki, təklifim havada qalmayacaq.

Azər